निवड प्रक्रिया

जिल्हाधिकारी कार्यालयात कार्यरत सेतू प्रभारी अधिकारी व जिल्हा समाजकल्याण अधिकारी हे संयुक्तरित्या अर्जांची छाननी पार पाडतील. तसेच दि. २३/०८/२००२ च्या शासन निर्णयामध्ये स्थापित केलेल्या जिल्हाधिकारी यांच्या अध्यक्षतेखालील जिल्हा सेतू समितीसमोर सदर प्रस्ताव ठेवून आपले सरकार सेवा केंद्र देण्याबाबतचा निर्णय घेण्यात येईल. आपले सरकार सेवा केंद्राच्या माध्यमातून नागरिकांना गुणवत्तापूर्ण, पारदर्शक, वेळेवर आणि विश्वासार्ह सेवा उपलब्ध करून देण्यासाठी व्हिलेज लेव्हल आंत्रप्रेन्युअर (VLE) यांची निवड केवळ किमान पात्रतेच्या आधारे न करता त्यांची शैक्षणिक गुणवत्ता, डिजिटल कौशल्य, पायाभूत सुविधा, आर्थिक क्षमता, प्रामाणिकपणा आणि नागरिकाभिमुख सेवा देण्याची क्षमता या सर्व बाबींच्या आधारे करण्याच्या अनुषंगाने आपले सरकार सेवा केंद्र प्रदान करण्यासाठी त्या-त्या भौगोलिक क्षेत्रात एकापेक्षा जास्त अर्ज प्राप्त झाल्यास खालीलप्रमाणे प्रक्रिया राबवून गुणांकन करण्यात येईल.

समितीद्वारे आणि खालीलप्रमाणे गुणांकनाची व मुलाखतीची प्रक्रिया पार पाडण्यात येईल. तसेच सदर समितीचा निर्णय अंतिम राहील.